Presidenti i Türkiye-s, Recep Tayyip Erdoğan, pasi përfundoi takimet e tij në Emiratet e Bashkuara Arabe (EBA), ndalesa e fundit e turneut të tij të Gjirit, do të vizitojë Republikën Turke të Qipros Veriore (TRNC), raporton Anadolu.
Erdoğan nga Aeroporti Ndërkombëtar i Abu Dhabit u përcoll nga nënpresidenti i EBA-së, Sheikh Mansur Bin Zayed Al Nahyan dhe ambasadori turk në Abu Dhabi, Tugay Tunçer dhe zyrtarë të tjerë.
Me presidentin Erdoğan në TRNC shkuan edhe ministri i Punëve të Jashtme, Hakan Fidan, ministri i Energjisë dhe Burimeve Natyrore, Alparslan Bayraktar, ministri i Mbrojtjes Kombëtare, Yaşar Güler, zëvendëskryetarët e AK Partisë, Ömer Çelik dhe Zafer Sırakaya, deputeti i partisë MHP në Istanbul, İsmail Faruk Aksu, drejtori i Komunikimeve Presidenciale, Fahrettin Altun, shefi i MIT-it, İbrahim Kalın dhe kryekëshilltari i presidentit, Akif Çağatay Kılıç.
