Supersfida mes PSG-së dhe Realit të Madridit ka përfunduar më rezultatin 1-0, ku goli i fitores u shënua në minutën e 94-t me firmën e Kilian Mbapesë.
Por pavarësisht lojës dominuese dhe fitores, ky duel nuk ka kaluar pa pakënaqësi për kampin parisien.
“Marca” raporton se presidenti Al Kelaifi dhe drejtori sportiv, Leonardo, kanë ndjekur arbitrin në fund të pjesës së parë, duke u ballafaquar me të në tunelin që të dërgon në dhomat e zhveshjes.
Prestigjozja spanjolle bën me dije se Al Kelaifi dhe Leonardo kanë pasur rezerva sa i përket gjykimit gjatë pjesës së parë, duke i ishtruar presion Orsatos për ndeshjen.
Një ngjarje kjo që është parë edhe nga zyrtarët e UEFA-s. Një skandal i vërtetë ky, që pritet për tu parë nëse do të shoqërohet me pasoja.
