Tibo Kurtua nuk e ka parë veten të pësojë shpesh 3 gola gjatë një ndeshjeje. Dhe për mikrofonat e “Movistar”, portieri belg konfirmoi se skuadra ishte në gjumë në momentet e golave.
“Ishim duke fjetur, pa intensitet dhe pa agresivitet dhe e paguam. Na e tha edhe trajneri dhe ne sërish gabuam. Kemi gabuar në shumë pasime, kontrollin dhe nuk bëmë një ndeshje të mirë. Më pas shënuan edhe golin e tretë dhe na vranë në minutat e fundit.
Duke e parë ndeshjen nga porta dhe ti vë re çdo duel, pashë duelet që po humbnim. Na mungoi intensiteti dhe duhet të zgjohemi. Por mendoj se mund të ndodhë të jesh në një ditë të keqe. Duhet të japësh gjithnjë 100% përballë një ekipi që është i rrezikshëm në kundërsulm.
Nëse do të ishim treguar më të saktë do të kishim pasur mundësi të futeshim në lojë. Por nuk ndodhi dhe ne pësuam një gol të lehtë. Dikush duhet të ishte në atë zonë”, tha Kurtua.
