Një zyrtar i qeverisë polake thotë se Rusia qëndron pas një sulmi kibernetik që bllokoi aksesin në një sistem të regjistrimit të taksave në internet.
“Rusët janë përgjegjës për sulmin e djeshëm. Ne kemi informacione që tregojnë që ata ishin sulmuesit”, tha Janusz Cieszynski, një zyrtar përgjegjës për digjitalizimin.
Ambasada ruse në Varshavë tha në një përgjigje të dërguar me email se “tashmë është mësuar me faktin se në Perëndim tani mund ta akuzoni Rusinë për çdo gjë pa prova. Ky është një rast tjetër i tillë në stilin e njohur për të thënë se ka ‘shumë të ngjarë’”, shkruan Al Jazeera.
Zyrtarët perëndimorë kanë akuzuar qeverinë ruse se është një lider global në hakerimin dhe përdorimin e spiunazhit kibernetik kundër qeverive të huaja, por Moska e ka mohuar vazhdimisht se ajo kryen operacione hakerimi.
