Ballkani është ndalur me barazim në udhëtim te Dukagjini, në ndeshjen e vlefshme për xhiron e 13-të të Albi Mall Superligës.
Ndeshja e zhvilluar në “18 Qershori” të Klinës u mbyll me barazim 1-1, shkruan Gazeta Olle.
Ndihmëstrajneri i Ballkanit, Artim Pollozhani tha se nga pakujdesia u shkaktua penalltia, e cila mund të evitohej.
“Meritonim pak më shumë të fitojmë ndeshjen. Nga pakujdesia shkaktuam penallti që mund të evitohej. Ishte ritëm i kënaqshëm, jo i pritshëm nga lojtarët tanë. Por ata po bëjnë maksimumin. Në çdo ndeshje po dalin edhe nga vetja. Po të ishte fusha më e mirë, shikuesit do të shihnin edhe më shumë kualitet”, ka thënë ndihmëstrajneri i Ballkanit.
Pas këtij barazimi, Ballkani mbetet në vendin e dytë në tabelë me 26 pikë, ndërsa Dukagjini ka ka nëntë sosh në vendin e parafundit.
