policia zgjeron aktivitetet vetedijesuese kunder trafikimit me njerez 6b0189dfc6c38

Policia zgjeron aktivitetet vetëdijesuese kundër trafikimit me njerëz

November 21, 2026
1 minut lexim

Policia mban ligjërata kundër trafikimit me njerëz në 42 shkolla, përfshihen mbi 1,100 nxënës

Policia e Kosovës ka organizuar ligjërata edukative dhe sensibilizuese në 42 shkolla fillore dhe të mesme në tërë territorin e vendit, në kuadër të fushatës për parandalimin e trafikimit me njerëz.

Sipas njoftimit të Policisë së Kosovës, aktivitetet janë zhvilluar nga 18 tetori deri më 18 nëntor 2026, nga të gjitha njësitë e Drejtorisë për Hetimin e Trafikimit me Njerëz, në kuadër të Strategjisë Kombëtare kundër Trafikimit me Njerëz dhe Planit të Veprimit për zbatimin e saj.

Në këto ligjërata kanë marrë pjesë rreth 1,162 nxënës të moshave të ndryshme, së bashku me profesorët e tyre.

Qëllimi i aktiviteteve ishte edukimi i nxënësve për fenomenin e trafikimit me njerëz dhe shfrytëzimit seksual, informimi i tyre për burimet mbështetëse dhe mënyrat e identifikimit e parandalimit të situatave të mundshme të trafikimit, si dhe vetëdijesimi për pasojat sociale dhe ligjore të këtij fenomeni.

Një fokus i veçantë i është kushtuar identifikimit të hershëm dhe referimit të rasteve të trafikimit me njerëz.

Krahas nxënësve, ligjërata janë organizuar edhe për mësimdhënësit e shkollave fillore dhe të mesme në rajonet e Prishtinës, Pejës, Gjakovës dhe Gjilanit.

Këto aktivitete janë realizuar në bashkëpunim me Ministrinë e Arsimit, drejtoritë komunale të arsimit, koordinatorët e prokurorive themelore, mbrojtësit e viktimave, Qendrat për Punë Sociale, Drejtorinë e Policimit në Bashkësi dhe Parandalim, si dhe organizatat joqeveritare.

Në ligjëratat për mësimdhënësit kanë marrë pjesë rreth 217 persona, me qëllim të rritjes së kapaciteteve për identifikimin dhe referimin e rasteve të trafikimit me njerëz.

Gjatë aktiviteteve është shpërndarë edhe material informues për pjesëmarrësit, përfshirë postera, broshura, fletore, lapsa dhe çanta.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

propozohet paraburgim per 54 vjecarin nga kumanova per rrezikim te sigurise 6b018953c899e
Lajmi i mëparshëm

Propozohet paraburgim për 54-vjeçarin nga Kumanova për rrezikim të sigurisë

shqiperia perparon drejt be se cfare presin qytetaret nga ky perparim 6b018a3c4aab7
Lajmi i radhës

Shqipëria përparon drejt BE-së. Çfarë presin qytetarët nga ky përparim?

Të fundit nga

ShkoLartë