Informacionet e siguruara falë inteligjencës, i çuan oficerët e policisë së Tiranës në shtëpitë e ty vëllezërve në fshatin Bulçesh.
Dyshimet ishin se ata kishte drogë, e në fakt kështu rezultoi. Në një njoftim zyrtar për mediat, policia thotë se atyre iu sekuestrua një sasi prej 7.9 kilogramë kanabis. Vëllezërit Saimir Aruci dhe Oltjan Aruci u vunë në pranga dhe akuzohen për prodhim e shitje të narkotikëve.
“Specialistët e Seksionit për Hetimin e Narkotikëve dhe Trafiqeve, në bashkëpunim me specialistët e Sektorit për Hetimin e Krimeve të Rënda ndaj Personit dhe Pronës, bazuar në informacionet e siguruara nga inteligjenca policore, kanë organizuar operacionin policor të koduar “Bulçesh”. Gjatë operacionit është ushtruar kontroll në banesat e shtetasve Saimir Aruci dhe Oltjan Aruci (vëllezër), në fshatin Bulçesh, Tiranë, dhe si rezultat është gjetur dhe sekuestruar një sasi lënde e dyshuar narkotike cannabis sativa, me peshë 7.9 kilogramë. Në vijim të veprimeve procedurale, u arrestuan në flagrancë shtetasit S. A., 39 vjeç dhe O. A., 25 vjeç, për veprën penale “Prodhimi dhe shitja e narkotikëve”.
Në drejtimin e Prokurorisë vijojnë hetimet për dokumentimin e plotë të veprimtarisë kriminale të këtyre shtetasve.
