“Ata e qëlluan! Oh Zot, ata e qëlluan!” dëgjohej që thoshte një dëshmitare në pamjet e filmuara pas sulmit të mëngjesit të shtunës në Kansas City.
Policia konfirmoi më pas për rrjetin KCTV se 26 vjeçarja Leonna Hale, u qëllua nga oficerët që erdhën për një grabitje të armatosur rreth orës 20,00
Policia rrugore e Missouri tha se shoferi mashkull ishte larguar kur ata ndaluan makinën ndërsa edhe Hale u qëllua pasi kishte tentuar të largohej.
Ndërsa dëshmitarët e ngjarjes thonin se përpara se të largohej gruaja kishte ngritur duart lart për t’i treguar oficerëve se nuk mbante gjë me vete.
Dëshmitarja që dha emrin e saj vetëm si Shédanja, tha për rrjetin vendas se viktima u kishte thënë oficerëve se nuk shtrihej dot përtokë pasi ishte shtatzënë, sipas të përditshmes Kansas City Star .
“Ajo ishte duke bashkëpunuar me autoritetet por u frikësua dhe nisi të vraponte, prandaj ata e qëlluan … kjo nuk është e drejtë,” dëgjohet që thotë gruaja në videon e saj nga vendngjarja.
“Më kujtohet që e pashë përtokë dhe ngriva”, tregon ajo duke shtuar se dhe tre djemte e saj që e panë u traumatizuan”.
Viktima e te shtenave raportohet se i ka shpetuar rrezikut per jeten por nuk eshte konfirmuar nga autoritetet nese ishte shtatzene.
