Policia e Kosovës, përkatësisht Drejtoria Rajonale në Pejë, me autorizim të Prokurorisë Themelore në Pejë, ka publikuar sot fotografinë dhe të dhënat e një personi të kërkuar, duke kërkuar bashkëpunim nga qytetarët për lokalizimin dhe arrestimin e tij.
Personi i kërkuar është Miftar (Xhevat) Dobraj, i lindur më 23 dhjetor 1987 në Pejë. Ai dyshohet për kryerjen e veprave penale “Vrasje e mbetur në tentativë” dhe “Mbajtje në pronësi ose posedim të paautorizuar të armëve”.
Policia e Kosovës u bën thirrje të gjithë qytetarëve që kanë informacion mbi vendndodhjen e të dyshuarit të kontaktojnë menjëherë autoritetet policore, duke përdorur këto numra telefoni:
192 ose 0800 19999 (linjë pa pagesë)
039 432 327 – Drejtoria Rajonale Pejë
Po ashtu, informacionet mund të dërgohen edhe përmes email-it në adresën: info@kosovopolice.com.
Policia siguron qytetarët se çdo informacion do të trajtohet në mënyrë konfidenciale.
Burimi: botasot.info
