Një person ka humbur jetën dhe tre janë lënduar në një aksident trafiku që ka ndodhur sonte në magjistralen Kumanovë-Tabanovcë, transmeton TS.
“Në ora 20:30 në SPB Kumanovë në magjistralen Kumanovë-Tabanovc është raportuar një aksident trafiku në të cilin janë përfshirë tri vetura, një Golf, një Polo dhe një BMW.
Një person ka ndërruar jetë në vendin e ngjarjes, ndërsa tre persona janë lënduar të cilët janë dërguar në spitalin e Kumanovës. Një hetim është duke u zhvilluar, njoftoi për TS nga SPB e Kumanovës.
Emergjenca në Kumanovë ka njoftuar se njëri nga të lënduarit për shkak të seriozitetit të lëndimeve është dërguar në klinikat e Shkupit, ndërsa dy personat e tjerë janë mbajtur në Spitalin e Përgjithshëm të Kumanovës./TS
