Policia Holandeze tha ditën e Hënë se kishte fituar akses në serverët e Redline dhe Meta. Për të mos u ngatërruar me kompaninë mëmë të Facebook, Redline dhe Meta janë dy lloje maluerësh njohur si “infostealer” – vjedhës të dhënash – që përdoren nga kriminelët për të marrë kredencialet e përdoruesve dhe kompanive.
Operacioni Magnus, një përpjekje e përbashkët mes Policisë Holandeze, FBI, NCIS dhe disa agjencive të tjera ligjzbatuese, goditi aktivitetin e maluerëve.
Redline ka qenë aktiv që prej 2020-ës ndërsa uebsaji i operacionit Magnus thotë se Meta është më i ri por i ngjashëm me të parin.
Redline përmendet si maluerë përgjegjës për hakimin e 2022 të Uber. Specops, një kompani e menaxhimit të fjalëkalimeve, gjeti se Redline është përdorur për të vjedhur rreth 170 miionë fjalëkalime nga të dhënat e KrakenLabs.
As gamerat nuk janë të mbrojtur sepse Redline është zbuluar nga McAfee i fshehur në disa mjete manipulimi të lojërave.
/PCWorld Albanian
Burimi: pcworld.al
