Policia sekuestroi 840 kilogramë kokainë, të cilat janë gjetur në arkat e bananeve në supermarketet e dy qyteteve të ndryshme në Çeki.
Vlera e drogës llogaritet në 81 milionë euro, njoftoi policia çeke, raporton reuters.
Stafi i supermarketit në qytetet Jicin dhe Rihnov nad Knježnoj informoi policinë pasi gjeti përmbajtje të dyshimtë në kuti.
Policia tha se ka kontrolluar edhe vende të tjera ku janë dorëzuar kutitë e së njëjtës ngarkesë.
Mediat raportuan se bananet mbërritën në Çeki nga Kolumbia.
