Policia e Kosovës ka mbështetur dhe asistuar pjesëtarë të stafit të Ambasadës së SHBA-së në Kosovë, në trajnimin e tyre për kualifikim të përdorimit të armëve.
PK-ja i ofroi Ambasadës poligonin e qitjes, ku morën pjesë stafi i sigurisë dhe rojet e sigurisë së Marinës Amerikane.
Aty ishin prezent edhe zyrtarët policorë të PK-së, të cilët ishin të angazhuar në mbrojtjen e pjesëmarrësve dhe këshillat për përdorimin e armëve.
“Ky trajnim rrit gatishmërinë për emergjenca, forcon bashkëpunimin e sigurisë SHBA-Kosovë dhe ndihmon në mbajtjen e Ambasadës dhe vendeve tona të sigurta”, deklaroi Ambasada.
Burimi: botasot.info
