Gërhitjet, ‘luftërat’ për të marrë çarçafin etj., janë vetëm disa gjëra të zakonshme të cilat çdo njeri që ka fjetur me partnerin i kupton
Për disa njerëz që janë në lidhje afatgjata, shpeshherë të pasurit një shtrat vetëm për veten është kënaqësi e fshehtë, megjithatë, sipas një studimi të ri, ju nuk keni nevojë të ndjeheni fajtor nëse keni një sekret të tillë,.
Në një studim nga Universiteti i Leeds dhe Silentnight, është zbuluar se 29 për qind e njerëzve i fajësojnë partnerët si shkaktarin kryesor se përse ata nuk mund të bëjnë gjumë të mirë.
Pra, shumica e çifteve nuk bëjnë gjumë të mirë dhe nuk është ndonjë gjë e paditur se mungesa e gjumit rezulton në disponim të keq, mungesë të përqendrimit, e rritë rrezikun e obezitetit, sëmundjeve të zemrës dhe diabetit.
Megjithatë, kjo jo domosdoshmërish do të thotë se duhet të mos flini me partnerin, pasi që një studim i fundit nga LM Research ka zbuluar se personat që janë në lidhje të lumtura bëjnë gjumë më të mirë sesa beqarët, pasi që ndjehen më të sigurt dhe më pak të shqetësuar.
Çfarë mund të bëni ju?
Puthja e urimit të natës së mirë është hapi më i mirë, ku 71 për qind e të studiuarve kanë treguar se kjo dukuri jua rregullon gjumin, përderisa 36 për qind e kanë pranuar se gjumi i tyre do të ndërpritet nëse nuk marrin një puthje nga partneri para se të flenë.
