Përfundon rehabilitimi i rrugës hyrëse në Cakran

May 4, 2025
1 minut lexim

Ka përfunduar investimi për rehabilitimin e plotë të rrugës hyrëse në njësinë administrative Cakran, në bashkinë Fier. Ky investim i rëndësishëm për zonën synon të përmirësojë ndjeshëm qarkullimin, sigurinë rrugore dhe lidhjen me zonat përreth.

Zëvendëskryeministrja, njëherësh ministre e Infrastrukturës dhe Energjisë, Belinda Balluku inspektoi punimet në këtë rrugë, teksa theksoi rëndësinë e rehabilitimit për banorët.

Projekti përfshiu asfaltimin e plotë të rrugës, ndërtimin e trotuareve, sistemimin e kanaleve të ujërave të bardha dhe vendosjen e sinjalistikës rrugore, duke ofruar standarde të reja për banorët dhe vizitorët.

Banorët e Cakranit kanë pritur me vite këtë ndërhyrje, e cila lehtëson lëvizjen dhe krijon kushte më të mira për jetën e përditshme dhe zhvillimin ekonomik lokal.

Rehabilitimi i kësaj rruge prej 1,2 km është pjesë e programit të investimeve në infrastrukturë që po zbatohet në të gjithë territorin e bashkisë Fier. 

Burimi: botasot.info

MARKETING

RENT A CAR

Story i mëparshëm

Qoku: Bashkëpunimi me BDI e sotme nuk është thjesht politik, është bashkëpunim me krimin

Story i radhës

Starlink tani është në dispozicion edhe në Kongo

Të fundit nga

Kosova në Ballkanikun e Beach Volley

Kombëtaret e Kosovës në beach volley kanë udhëtuar drejt Balıkesir të Turqisë, ku do të përfaqësojnë vendin tonë në Kampionatin Ballkanik BVA! “Në garat për meshkuj, Kosovën do ta përfaqësojnë Erion Bajrami
sqmken
ShkoLartë