Përfundon kampi për djem, vazhdon për vajza

Pas pesë ditësh pune intensive dhe atmosfere të shkëlqyer, sot ka përfunduat NLB Kampi Veror i hendbollit për djem.

Por nuk ka përfunduar ky aktivitet shumë i rëndësishëm veror i Federatës së Hendbollit të Kosovës.

Prej sot vazhdon NLB Kampi Veror për vajza.

Në ceremoninë e mbajtur të shtunën në mesditë në palestrën “Dresha” në Banjë, të pranishëm ishin presidenti i FHK-së, Edin Kolgeci, kryetari i Komunës së Istogut, Ilir Ferati, sekretari i përgjithshëm i Federatës Shqiptare të Hendbollit, Armand Cakalli, sekretari i përgjithshëm i FHK-së, Muhamet Arifi dhe përfaqësues të NLB Bankës.

Pjesa e parë e kampit është vlerësuar shumë e sukseshme nga pjesëmarrësit dhe përgjegjësit.

Pos hendbollistëve të rinj të klubeve të vendit, pjesë e kampit ishte edhe Kombëtarja U19, hendbollistë nga diaspora dhe ata nga Shqipëria.

Sot punën e nisën vajzat, ndërsa pos kampisteve në Banjë të Pejës po qëndrojnë edhe lojtaret e Kosovës U17.

Drejtor teknik i kampit është Isak Osmani, ndërsa kordinator i punës me vajza është Faruk Shala, trajner i Istogut dhe kryetar i Shoqatës së Trajnerëve të Hendbollit të Kosovës.