Rinia për Vetëvendosje! u anëtarësua në Young European Socialists (YES)!

Sot, në Kongresin e 17-të të YES që po mbahet në Paris, Rinia për Vetëvendosje!, 255 vota PËR, 1 Abstnenim, u votua si anëtare e organizatës më të madhe të rinisë socialdemokrate në Evropë, Young European Socialists.

“YES është organizata rinore e Partisë së Socialistëve Evropianë (PES), grupit politik më të madh socialdemokrat në Evropë, ku Lëvizja VETËVENDOSJE! është anëtare nga nëntori i vitit 2023. Ky anëtarësim i dyfishtë, i partisë dhe i rinisë së saj, forcon lidhjet tona me familjen progresiste evropiane dhe e bën Kosovën pjesë të proceseve të rëndësishme politike kontinentale.

Ky anëtarësim është një hap i rëndësishëm për ndërkombëtarizimin e Lëvizjes sonë, fuqizimin e zërit të rinisë sonë në arenën evropiane dhe bashkëpunimin me organizata progresiste nga mbarë kontinenti.

Me këtë, rinia jonë bëhet pjesë e një rrjeti të fuqishëm që angazhohet për barazi e drejtësi, duke çuar përpara vlerat për të cilat angazhohemi çdo ditë edhe në Kosovë.

Nga Këshilli Botëror i IUSY në Prishtinë, në Kongresin e YES në Paris, Rinia për VETËVENDOSJE! tashmë është anëtare e dy organizatave më të mëdha të rinisë progresiste në botë”, thuhet në njoftim..