Sot është mbajtur finalja e madhe e “Miss Grand International 2025”, ku përfaqësuesja e Kosovës, Brikena Selmani, ka përfunduar garimin e saj në këtë kompeticion prestigjioz të bukurisë.
Fatkeqësisht, Brikena nuk arriti të kalojë në Top 22 dhe nuk u vlerësua me asnjë nga çmimet e mbrëmjes.
Në skenën madhështore të ngjarjes, ajo u shfaq me një fustan të artë shkëlqyes, duke tërhequr vëmendjen me paraqitjen e saj glamuroze dhe me vetëbesimin që e karakterizon.
Kujtojmë se Brikena Selmani ishte bërë virale më herët gjatë garës pas një momenti me mikrofonin në një nga paraqitjet e saj, duke marrë vëmendje të madhe në rrjetet sociale.
Megjithëse rrugëtimi i saj në “Miss Grand International” ka përfunduar, Brikena mbetet një nga përfaqësueset më të komentuara dhe më të ndjekura të Kosovës në skenat ndërkombëtare të bukurisë.
Burimi: botasot.info
