Zjarri në masivin pyjor me pishë, ah e bredh në kurorën e gjelbër në Zerqan të Bulqizës ka dalë jashtë kontrollit. Prej afro 10 ditësh flakët kanë “pushtuar” malin e Tërnovës.
Gjithashtu shuarja e flakëve ka qenë e pamundur. Kjo ka bërë që zjarri të marrë përmasa të mëdha ndërsa autoritetet lokale vijojnë luftën me flakët nga toka.
Ndërkohë në terren janë angazhuar punonjës të Shërbimit Zjarrfikës, të shërbimit pyjor, Forcat e Armatosura dhe banorë të zonës. Ndërkohë autoritetet vijojnë të kërkojnë ndihmë për ndërhyrje nga ajri. Deri tani janë djegur dhjetra hektar me bredha, pishë dhe pemë Ahu.
Po ashtu një tjetër vatër zjarri është në malin e Qafë Shtamës ku po punohet nga toka për të shuar flakët, ndërsa zjarri ndihmohet nga era dhe temperaturat shumë të larta.
