Trepça e Mitrovicës ka synime të mëdha në edicionin e ri në elitën e hendbollit të Kosovës.
Kryetrajneri Taib Kabashi ka një ekip të mirë dhe konkurrent për të gjitha trofetë.
Trepça futet me misionin që të mbrojë trofeun e Kupës, synon titullin dhe paraqitje sa më dinjitoze në garat evropiane.
“Hamdi Salihu, Liridon Esati, Marley Wallace e Vladimir Trajkovski janë lojtarët që forcojnë skuadrën tonë për edicionin e ardhshëm.
Hamdiu e Liridoni janë nga qyteti i hendbollit, Ferizaj, dhe kanë përvojë e cilësi.
Braziliani Wallace luajti me sukses te Rahoveci, kurse Trajkovski vjen nga kampionati i Maqedonisë së Veriut.
I mirëpresim te KH Trepça dhe në qytetin e sportit”, njofton KH Trepça.
