Ju me siguri e dini tashmë se Apple Watch ka shpëtuar disa jetë falë mjeteve të lidhura me shëndetin, siç është sensori i rrahjeve të zemrës.
Funksioni paralajmëron shërbimet e urgjencës dhe kontaktet tuaja dhe elektrokardiogrami (EKG) monitoron përdoruesin për ritme jonormale të zemrës.
Ata që blenë një Apple Watch Series 6, Series 7, Series 8 dhe Series 9 përpara datës 18 janar të vitit 2024, kanë ende një oksimetër pulsi që mat oksigjenin në gjakun e një personi.
Por, për shkak se një gjykatës i Komisionit Ndërkombëtar të Tregtisë (ITC) vendosi se Apple ka shkelur një patentë në pronësi të Masimo në lidhje me veçorinë, Apple Watch Series 9 dhe modelet e mëvonshme të blera më 18 janar dhe pas saj nuk mund të kenë një pulsoksimetër.
Këtë vit, Apple Watch Series 10 ka një sensor që është në kërkim të apnesë së gjumit, shkruajnë mediat e huaja.
Kjo është një gjendje që bën që personi të ketë çrregullim të gjumit që karakterizohet nga ndërprerje të frymëmarrjes.
Tani, disa përdorues të Apple Watch po pretendojnë se aplikacioni Vitals i disponueshëm për Apple Watch me përditësimin watchOS 11 po u jep atyre njoftim të avancuar kur ata do të sëmuren.
Aplikacioni Vitals kërkon një javë përdorim gjatë natës për të llogaritur një interval bazë për metrikat shëndetësore.
Këto metrika përfshijnë rrahjet e zemrës, ritmin e frymëmarrjes, temperaturën e kyçit të dorës, oksigjenin e gjakut dhe kohëzgjatjen e gjumit.
Nëse më shumë se një prej këtyre metrikave është jashtë kufijve normalë, do të merrni një njoftim që ju paralajmëron.
Burimi: botasot.info
