Ish-basketbollistja e njohur e 17 Nëntorit, Hyrmete Gjeta, ka humbur betejën e saj me jetën në moshën 69-vjeçare.
Në orën 11:00, ajo u përcoll për në banesën e fundit drejt Varrezave të Sharrës.
Hyrmete Gjeta fitoi 5 kampionate dhe 3 Kupa të Shqipërisë në basketboll. Ajo vijoi kontributin e saj në Federatën Shqiptare të Pingpongut si Sekretare e Përgjithshme dhe më pas në të njëjtin rol në Federatën Shqiptare të Notit.
“Panorama Sport” i shpreh ngushëllimet më të sinqerta familjes Gjeta.
