Ish-kreu i BIA-së serbe ka vazhduar sulmet dhe fyerjet ndaj bashkësisë ndërkombëtare dhe disa vendeve specifike. Kësaj radhe, ai ka kritikuar raportuesen për Kosovën në Këshillin e Evropës pas rekomandimit të saj për pranimin e Kosovës, duke thënë: “Dora Bakojani ka treguar se Greqia është bërë një vend i madh për veprime të mëdha të dëmshme.”
Kjo është raportuar nga “Pink”, ndërsa shkaku i një deklarate të tillë nga Vulin është “ndryshimi i qëndrimit të raportueses greke për Kosovën Bakojani, transmeton ‘Bota Sot’.”
Kur Austro-Hungaria kërkoi nga kryeministri i Greqisë që të mos lejojë mbetjen e ushtrisë serbe dhe shtetit, Venizelos përgjigjeshëm se Greqia është “vend shumë i vogël për veprime aq të mëdha të dëmshme”, kujton Vulin, duke krahasuar me situatën e tanishme kur zyrtarja greke rekomandoi pranimin e Kosovës në KE.
“Duke rekomanduar pranimin e Kosovës si anëtare të plotë të Këshillit të Evropës, Dora Bakojani ka treguar se Greqia është bërë një vend i madh që mundëson veprime të mëdha të dëmshme,” tha Vulin.
Ai ka dënuar ashpër veprimin e raportueses së KE për Kosovën në këtë organizatë, Dora Bakojani, për shkak të ndryshimit të qëndrimit të Greqisë dhe dhënien e mendimit pozitiv për anëtarësimin e Kosovës në këtë organizatë.
“Gëzohuni, botë turke – territori i quajtur Kosovë me rekomandimin e Greqisë shkon ndër shtetet. Le të përgatitet edhe Qiproja Veriore për këtë,” u shpreh me mllef Vulin, i sanksionuar nga perëndimi.
