Për shkak të tensioneve me Rusinë, Forcat Ajrore Britanike (RAF) do të përdorin aeroportet civile rajonale në të ardhmen, për herë të parë që nga Lufta e Dytë Botërore.
Aeroportet rajonale civile po përgatiten për mbërritjen e avionëve luftarakë si pjesë e një koncepti ushtarak të quajtur “Reagimi i Shpejtë Ushtarak” (ACE), i cili u krijua një vit më parë për t’u angazhuar në zona të mundshme të nxehta në botë, si Indo-Paqësorin, Lindjen e Mesme apo edhe krahun lindor i NATO-s në Evropë.
Pushtimi rus i Ukrainës dhe shqetësimet për një luftë të mundshme që përfshin NATO-n kanë çuar tani në përshpejtimin dhe zgjerimin e konceptit ACE, kanë konfirmuar burime në qarqet ushtarake britanike.
Objektivi i konceptit ACE është të mundësojë që pjesë të flotës së avionëve luftarakë RAF të përgjigjen shpejt dhe të kapërcejnë sulmet e drejtpërdrejta në bazat ajrore ushtarake në Britaninë e Madhe në rast të një “kërcënimi të afërt lufte”, sipas mediave britanike.
