Për herë të parë në SHBA ka më shumë iPhone sesa çdo lloj smartfoni tjetër. Duke cituar të dhënat e Counterpoint Research, Financial Times raportoi se iPhone për herë të parë parakaloi Android duke zënë 50% të tregut të smartfonëve në SHBA.
Kështu Apple arriti nivelin më të lartë regjistruar ndonjëherë në tregun e smartfonëve.
Në ditët e para të iPhone, iOS nuk kishte asnjëherë një pjesë tregu që i afrohet 50%. Kompani si BlackBerry, Nokia dhe Motorola dominon këtë treg.
Në 2010-ën, vetëm dy vite nga debutimi i tij, Android parakaloi iOS si sistemi operativ mobil më i përdorur. Që atëherë platforma e Google zotëronte vazhdimisht 70% të tregut.
Në SHBA iPhone gjithnjë ka pasur një pjesë më të lartë tregu krahasuar me pjesën tjetër të botës. Në tre mujorin e dytë të 2022, Apple dominoi segmentin e smartfonëve Premium me 57% të shitjeve dhe nuk po shfaq asnjë shenjë ngadalësimi. /PCWorld Albanian
