Flokët humbasin shkëlqimin e tyre vazhdimisht për shkak të rrezeve të diellit. Megjithatë, kjo maskë ushqyese do të të ndihmojë shumë për t’u rikthyer flokëve shkëlqimin. Mjafton ta përdorësh një herë në javë dhe do të vëresh ndryshimin.
Përbërësit:
1/2 avokado
2-3 lugë gjelle birrë
Vaj dafine (ose vaj bajame)
1 lugë gjelle vaj ulliri
Përgatitja: Pasi e ke qëruar dhe grirë imët gjysmën e avokados, përzieje me të gjithë përbërësit e tjerë derisa të përfitosh një sasi homogjene. Vendose të gjithë maskën në flokë dhe mbështilli me një peshqir të ngrohtë. Pasi e ke mbajtur maskën për 30-40 minuta, laji flokët si zakonisht me ujë të vakët.
