Me kërkese për dorëheqje të kryetares së Lidhjes së Shoqatave të Pensionistëve të Maqedonisë filloi protesta e sotme e pensionistëve në Shkup. Në protestë ka pensionistë nga të gjitha viset e vendit.
Pensionistët kërkojnë rritje lineare të pensioneve, ndërsa pensioni minimal të jetë i njëjtë me rrogën minimale. Nga Lidhja e Shoqatave të Pensionistëve nuk pajtohen me protestuesit.
Vitin e kaluar u miratua metodologjia e re për llogaritje të pensioneve në pajtim të së cilës tani në shtator pensionet duhet të rriten për gjashtë për qind.
Gjatë periudhës së kaluar, pensionistët protestuan në qytetet e tyre duke shprehur pakënaqësi nga rritja procentuale e pensioneve.
Burimi: TV21
