Presidenti i vendit, Stevo Pendarovski, nëpërmjet një postimi në rrjetet sociale ka dënuar organizimet e tubimeve në Tetovë dhe Çair ku pjesëmarrës ishte edhe presidenti i Kosovës, Albin Kurti. Presidenti Pendarovski thotë se janë shkelur dispozitat ligjore për përdorimin e flamurit, himnit shtetëror, flamujve dhe simboleve të komuniteteve, duke i injoruar plotësisht simbolet e shtetit. Ai apelon që organet kompetente të ndërmarrin masat e duhura për rastin në fjalë.
“Theksimi i ikonografisë provokuese nacionaliste që promovon ide shoviniste shtetërore paraqet ndezjen e urrejtjes dhe intolerancës etnike, e cila pa mëdyshje sulmon parimet dhe vlerat bazë të Marrëveshjes Kornizë si dhe konceptin e Maqedonisë si shtet multietnik. Organizatorët e tubimeve publike në Tetovë dhe Çair duhet të sanksionohen ligjërisht për shkeljen e dispozitave ligjore për përdorimin e flamurit dhe himnit shtetëror dhe flamujve dhe simboleve të komuniteteve, duke i injoruar plotësisht simbolet e shtetit. Në këtë drejtim, i bëj thirrje organeve kompetente që sa më parë të kryejnë procedurat e parapara.”- shkruan Pendarovski.
Burimi: TV21
