Presidenti Stevo Pendarovski sot në Davos, pati takim të shkurtër me ministrin e Punëve të jashtme të Ukrainës, Dmitro Kulebën.
Presidenti Pendarovski, siç bëri të ditur Kabineti i tij, në bisedën me Kolebën e ka riafirmuar mbështetjen e plotë për Ukrainën dhe popullin ukrainas, duke theksuar se Maqedonia e Veriut si anëtare e NATO-s, në kuadër të mundësive do të vazhdojë të ofrojë ndihmë ushtarake, humanitare dhe diplomatike për Ukrainën që synon t’i japë fund agresionit ushtarak, mbrojtjen e vlerave demokratike dhe vendosjen e paqes.
Kuleba ka shprehur falënderim për mbështetjen e Maqedonisë së Veriut, të deklaruar edhe në letrën e dërguar nga presidenti Pendarovski për presidentin ukrainas Zelenski.
