Presidenti Stevo Pendarovski me dekret ka emëruar profesorin Lubomir Fërçkovsin për ambasador të plotfuqishëm të Republikës së Maqedonisë së Veriut pranë Organizatës së Kombeve të Bashkuara në Nju-Jork, konfirmuan nga Kabineti i Pendarovskit.
Përndryshe, që në qershor të vitit të kaluar Ministria e Punëve të Jashtme ka kërkuar nga Komisioni kompetent në Kuvendin e Republikës së Maqedonisë së Veriut të caktojë seancë për prezantimin e tezave të kandidatit, në pajtim me praktikën e vendosur.
“Para një muaji, Ministria e Punëve të Jashtme dërgoi lutje të dytë deri tek komisioni i njëjtë, por kryetari i komisionit sërish refuzoi të caktojë seancë, pas çka presidenti Pendarovski e nënshkroi dekretin, sepse të gjitha kushtet ligjore u plotësuan”, sqarojnë nga Kabineti i Pendarovskit.
Sipas Kabinetit, procedura për emërimin e ambasadorit përfundon me mbrojtjen e tezës së kandidatit para kolegiumit të MPJ-së, dhe këtë, nënvizojnë, Fërçkoski e ka bërë vitin e kaluar.
