Legjenda braziliane Pele është liruar nga spitali pas trajtimit për një tumor dhe një infeksion urinar.
Tre herë fituesi i Kupës së Botës, 81 vjeç, u shtrua në spitalin Albert Einstein të Sao Paulos më 13 shkurt për trajtim mbi tumorin e zorrës së trashë. Tetë ditë pasi u shtrua, mjekët zbuluan një infeksion urinar, i cili e zgjati qëndrimin e tij. Megjithatë, nga spitali thanë se Pele tani ishte në një gjendje klinike të qëndrueshme.
Ai do të vazhdojë trajtimin për tumorin i cili u zbulua për herë të parë në testet rutinë në shtator.
Pele iu nënshtrua operacionit të prostatës në vitin 2015, pasi u shtrua në spital për herë të dytë në gjashtë muaj, dhe u kthye përsëri për një infeksion urinar në vitin 2019.
Golashënuesi më i mirë i të gjitha kohërave i Brazilit me 77 gola në 92 ndeshje, ish-sulmuesi është një nga vetëm katër lojtarët që ka shënuar në katër turne të Kupës së Botës.
