Levandovski ishte ai që zuri faqet e para të shtypit pas fitores së Barçës 3-0 kundër Brestit të martën në Champions. E vetëkuptueshme pas dy golave dhe rekordit në Champions. Por një tjetër lojtar që shkëlqeu ishte dhe Pedri.
Mesfushori ka bërë ndeshjen më të mirë të sezonit, duke marrë përgëzime, teksa ai ka treguar dhe sekretin pas formës së tij.
“Ndihem shumë komod disi më i tërhequr. Kështu mund të kem më shumë kontakte me topin dhe më jep mundësi të diktoj ritmin e lojës”, deklaroi ai.
Natyrisht që pyetja nxjerr pyetjen dhe gazetarët e kanë ngacmuar yllin nga ishujt Kanerie nëse është Flik sekreti i ndryshimit të tij, duke krijuar krahasime mes trajnerit aktual të Barcelonës dhe ish-teknikut, Ksavi Hernandez. Pedri ka shmangur kategorikisht krahasimet mes dy teknikëve.
“Nuk kam thënë kurrë se nuk kemi punuar me Ksavin. Nuk kam hedhur kurrë baltë mbi të dhe punën e tij. Vetëm kam thënë se tani me Flik kemi një mënyrë ndryshe të të punuarit dhe që mua më përshtatet më shumë”, theksoi ai.
Burimi: botasot.info
