PD sulmon kandidatin e Berishës për Bashkinë Dibër: Gruaja e tij mbrojti ministrat e Ramës

Partia Demokratike ka reaguar lidhur me vizitën e ish-kryeministrit Sali Berisha në Dibër, i cili prezantoi kandidatin Përparim Kryemadhi për kryebashkiak në zgjedhjet e pjesshme të 6 marsit.

Në një reagim, selia blu shprehet se Kryemadhi nuk përfaqëson dibranët dhe as demokratët, por “Shtëpinë e Ilirit”.

Postimi i PD

Kandidatët e shtëpisë së Ilirit, nuk përfaqësojnë demokratët. Ata përfaqësojnë korrupsionin që po e mban peng Shqipërinë.
Dibranët e dinë mirë se si gruaja e kandidatit të Shtëpisë së Ilirit, nuk çoi para drejtësisë ministrat dhe zyrtarët e Edi Ramës që blenë dhe shantazhuan dibranët për vota.

Demokratët dhe qytetarët dibranë, janë poshtëruar nga Berisha&Meta, të cilët përzgjodhën si kandidat pikërisht burrin e prokurores Belina Zeneli, e cila përveç dosjes 184, nuk i ka dhënë zgjidhje ligjore 33 procedimeve penale, si dhe nuk ka kryer asnjë veprim verifikimi në lidhje me 300 kallëzime të bëra nga qytetarët dibranë, duke i lënë ata pa drejtësi për hallet e tyre.

Demokratët dhe qytetarët dibranë nuk mund të pranojnë kurrë njerëz të tillë. Ata e dinë se nëse zgjedhim Berishën dhe Metën, mbajmë Ramën.

GAZETA.MK

Story i mëparshëm

Firmino humb vendin e titullarit

Story i radhës

Tonali: Shoqëria na do dhe na mbron

Të fundit nga

AlbanianMacedonianEnglish