Portieri i Real Madridit, Thibaut Courtois, ka bërë një propozim mjaft romantik për të dashurën e tij, modelen e njohur izraelite Mishel Gerzig.
Courtois u ul në gjunjë në një vend mahnitës në jaht dhe Gerzig s’kishte zgjidhje tjetër, pranoi të bëhej gruaja e tij.
Supermodelja izraelite ndau me të gjithë ndjekësit e saj disa foto nga momenti i propozimit dhe shkroi: “Po, për një jetë me ty”.
Gerzig ka qenë fansja më e madhe e 30-vjeçarit në sezonin e fundit futbollistik, jo vetëm duke e ndjekur nga ndeshja në ndeshje, por edhe duke i dhënë gjithmonë mbështetjen e saj nga stadiumi.
Courtois jetoi një edicion vërtet të suksseshëm, pasi ngriti me Real Madridin trofeun e UEFA Champions League.
