Tokenët jo të këmbyeshëm kanë mbërritur më në fund në Facebook. Meta konfirmoi se disa përdorues në SHBA mund të postojnë koleksionet e tyre në profile.
Ndërsa mbetet e paqartë se kur funksionaliteti do të bëhet i disponueshëm për më shumë përdorues, Meta tha se do të jetë një lançim gradual dhe i ngadaltë.
Menaxheri i produktit të Meta Navdeep Singh ka postuar fotot e integrimit të NFT-ve në rrjetin social Twitter dhe është një implementim i ngjashëm me atë të Instagram.
We’re launching NFTs on Facebook! Excited to share what I’ve been working on with the world. pic.twitter.com/TaV66zRanV
— Navdeep Singh (@navdeep_ua) June 29, 2022
Krijuesit mund të postojnë koleksionet e tyre si përditësime statusi ku njerëzit mund të komentojnë dhe reagojnë ndërsa klikimi tregon informacione rreth punimit.
Sipas Decrypt, Facebook do të lejojë përdoruesit të lidhin portofolët e tyre dixhitalë me rrjetin social siç munden edhe në Instagram.
Aktualisht Facebook mbështet NFT-të e krijuara në Ethereum dhe Polygon ndërsa pritet së shpejti të mbështesë Solonën dhe Flow.
Në muajin Maj Meta filloi të testonte integrimin e NFT-ve të Instagram. /PCWorld Albanian
