Ish-partnerja e Travis Barker, Shanna Moakler ka nxjerrë në ankand unazën me të cilën ai i ka propozuar dikur. Ish-modelja e Playboy po shet unazën e saj me diamant duke filluar nga 51,000 dollarë. Kjo lëvizje nga ana e saj vjen sepse është “gati ta lërë pas këtë kapitull të jetës së saj”.
“Mendoj se është e bukur dhe me të vërtetë ishte unaza ime e ëndrrave,” tha ajo për Us Weekly në një deklaratë. “Sidoqoftë, ai kapitull i jetës sime ka mbaruar dhe edhe pse ta mbaja në një kohë më solli gëzim të madh, shpresoj se do të gjejë një shtëpi të re dhe do të vazhdojë t’i sjellë dikujt aq lumturi sa solli dikur për mua. Është me të vërtetë një unazë ikonë!”
47-vjeçarja e ka nxjerrë në ankand bizhuterinë mbresëlënëse në Worthy.com. Ankandi filloi më 27 maj dhe zgjat deri të martën, 31 maj, por mund të zgjatet në varësi të nivelit të interesit.
“Shpresoj që të shitet për 120,000 dollarë. Ajo vlente rreth 160,000 dollarë”, tha ajo për revistën.
Pavarësisht se ankandi erdhi menjëherë pasi Travis u martua me Kourtney Kardashian, Moakler këmbënguli se shitja nuk ka të bëjë fare me këtë gjë.
“Jam e sigurt që njerëzit do të supozonin se ka lidhje me dasmën, por thjesht doja të gjeja një shitës të duhur dhe Worthy.com e di se do t’i kushtojë kësaj unaze vëmendjen që meriton,” shpjegoi ajo.
Moakler dhe Barker janë prindër të një djali 18-vjeçar, Landon, dhe të vajzës Alabama, 16 vjeçe.
