Vendi ynë do të jetë me alternime kthjellimesh dhe vranësirash në ultësirën Perëndimore për gjatë gjithë 24 orëshit. Ndërsa në zonat malore vranësirat herë pas here do të pësojë zhvillime duke gjeneruar reshje të izoluara shiu. Pritet që më të dukshme reshje të jenë në orët e pasdites në zonat verilindore dhe Juglindore. Ndërsa orët e natës vonë sjellin përmirësim gradual të kushteve të motit edhe në zonat malore duke larguar reshjet.
Temperaturat e ajrit do të vijojnë të rriten në mëngjes, por do të ulen me 2 gradë celcius në orët e mesditës duke luhatur vlerat ditore nga 17°C deri në 34°C. Era do të fryjë mesatare në tokë dhe deri e fortë në det duke arritur shpejtësinë 45 km/h nga drejtimi Verior dhe Veriperëndimor, duke krijuar në brigjet detare dallgëzim mbi 3 ballë.
Kosova
Republika e Kosovës gjatë paradites do të jetë me alternime kthjellimesh dhe kalime vranësirash në të gjithë territorin e vendit. Ndërsa gjatë mesditës dhe pasdites parashikohet që vranësirat të zhvillohen duke gjeneruar shiu në të gjithë Kosovën Ku herë pas here do të1 jenë rrebeshe. mbeten prezente reshjet e shiut gjatë mbrëmjes në të gjithë territorin e Kosovës, por më të fokusuara do të jenë në zonat Lindore. Nata vonë sjellë përmirësim gradual të motit në territorin e Kosovës.
Maqedonia e Veriut
Territori i MV në orët e para të ditës; do të dominohet nga intervale me kthjellime dhe vranësira të shpeshta, të cilat më të dukshme do të jenë në zonat perëndimore të Maqedonisë së Veriut. Ndërsa, në pjesën e dytë të ditës vranësirat do të shtohen duke sjellë reshje shiu në të gjithë republikën e MV ku priten edhe rrbeshe shiu. Pritet që mbrëmja dhe nata vonë të dobësojnë reshjet në një pjesë të mirë të vendit, por mbeten prezente në zonat veriore të MV.
Europa
Europa Lindore dhe Juglindore paraqiten me alternime kthjellimesh dhe kalime të pakta vranësirash. Gjithashtu, Europa Jugperëndimore do të mbizotërohet nga kushtet e qëndrueshme atmosferike. Ndërsa gadishulli i Ballkanit dhe zonat përreth Alpeve të Europës pritet të jenë me vranësira të shpeshta të cilat do të gjenerojnë rrebeshe shiu si edhe shkarkesa elektrike. Po ashtu me vranësira, reshje shiu dhe mini- stuhi të forta ere mbetet Gadishulli Skandinav dhe Rajoni i Balltikut.
