Sekretarja e jashtme britanike, Liz Truss ka paralajmëruar se konflikti Rusi-Ukrainë mund të vazhdojë per disa vite radhazi.
Në një paraqitje në emisionin “Trevor Phillips” të dielën, Truss ka thënë se ky mund të jetë fillimi i fundit për presidentin rus, Vladimir Putin.
“Ne thamë përpara se të ndodhte ky pushtim se Vladimir Putin do të bënte një gabim të madh strategjik. Para së gjithash, sepse ukrainasit do të luftonin. Ne po i shohim ata të luftojnë, ne po shohim udhëheqjen jashtëzakonisht të guximshme të Presidentit Zelenskyy, por edhe sepse ata do të goditen nga sanksione të rënda perëndimore”, ka thënë ajo.
Më herët të dielën, mediat e huaja raportuan se Putin është shumë i nervozuar pasi plani i tij nuk eci ashtu siç e mendonte ai.
Ushtria ukrainase deri më tani ka treguar një rezistencë të fuqishme duke vrarë me mijëra ushtarë rusë.
Numri i viktimave nga lufta në Ukrainë ka shkuar në 200, sipas raporteve të fundit zyrtare.
