Paralajmërimi i Kryeziut: Ndërsa ne grindemi, Serbia përgatitet për luftë

Kadri Kryeziu ka reaguar me një mesazh të fortë lidhur me situatën politike dhe zgjedhjet e ardhshme në vend, duke ngritur shqetësime për zhvillimet rajonale dhe mënyrën se si po veprohet në skenën e brendshme politike

Ai ka theksuar se përderisa skena politike në Kosovë është e përfshirë në përplasje të brendshme, Serbia po vazhdon të forcojë pozicionin e saj në të gjitha drejtimet.

“Derisa ne merremi me njëri-tjetrin, Serbia po forcon pozicionin e saj në çdo plan dhe po përgatitet për luftë. Zgjedhjet e 7 qershorit duhet të jenë të fundit për katër vitet e ardhshme. Mendoni mirë para se të votoni. Mos e digjni votën për shokë e kushërinj, por votoni për të ardhmen e vendit”, ka shkruar ai.

Kryeziu u ka bërë thirrje qytetarëve që të tregojnë maturi në vendimmarrje dhe të mos e përdorin votën për interesa të ngushta personale, por për të ardhmen e shtetit

Sipas tij, zgjedhjet e 7 qershorit duhet të prodhojnë stabilitet institucional dhe të shmangin krizat e shpeshta politike në vend.