Presidenti kinez Xi Jinping i ka dërguar një letër udhëheqësit të Koresë së Veriut, Kim Jong Un.
Ai theksoi se Pekini është i gatshëm të bashkëpunojë me Phenianin për të siguruar paqen, prosperitetin dhe stabilitetin rajonal dhe global, sipas një lajmi nga agjencia e lajmeve koreano-veriore KCNA.
KCNA nuk përmendi lëshimet e fundit të raketave të Koresë së Veriut, të cilat kanë rritur tensionet në Gadishullin Korean në vazhdën e stërvitjeve të përbashkëta ushtarake SHBA-Kore e Jugut.
