Papa Françesku dënoi masakrën e Buchas dhe puthi një flamur ukrainas që ai tha se i ishte dërguar nga qyteti gjatë audiencës së tij javore në auditorin e Vatikanit. “Lajmet e fundit nga lufta në Ukrainë, në vend që të sjellin lehtësim dhe shpresë, sollën mizori të reja, si masakra e Buchas”, citon Reuters të ketë thënë ai.
Papa Françesku shpalosi një flamur ukrainas që ai tha se i ishte sjellë nga Bucha dhe e mbajti lart për audiencën, e cila shpërtheu në duartrokitje.
Ai më pas i kërkoi një grupi fëmijësh refugjatësh që mbërritën të martën nga Ukraina që t’i afroheshin.
“Këta fëmijë duhej të iknin për të mbërritur në një tokë të sigurt. Ky është fryti i luftës. Le të mos i harrojmë ata dhe të mos harrojmë popullin ukrainas,” tha ai, përpara se t’i jepte secilit fëmijë një dhuratë nga një vezë çokollatë të Pashkëve.
