Papa Françesku përsëriti sot thirrjen për krijimin e korridoreve humanitare për evakuimin e civilëve nga qyteti ukrainas i Mariupolit, i cili, siç tha ai, “u bombardua dhe u shkatërrua në mënyrë barbare”.
“Mendimet e mia janë me qytetin ukrainas të Mariupolit, qytetin e Marias, i bombarduar dhe shkatërruar në mënyrë barbare. E përsëris thirrjen për hapjen e korridoreve të siguruara humanitare”, tha Papa gjatë lutjes së dielës në sheshin e Shën Pjetrit në Vatikan.
Nga Mariupoli, i cili u shkatërrua pothuajse plotësisht pas disa javësh rrethimi, grupi i parë i civilëve doli nga fabrika e çelikut Azovstal, bastioni i fundit i rezistencës ukrainase në atë qytet.
Sipas batalionit ukrainas Azov, rreth njëzet civilë u evakuuan, që është evakuimi i parë i suksesshëm pas përpjekjeve të mëparshme të pasuksesshme.
Duke folur për luftën në Ukrainë, Papa dënoi “regresionin e errët të njerëzimit”.
“Të mos heqim dorë nga logjika e dhunës, spiralja perverse e armëve”, tha Papa.
