Një burrë nga Pakistani që jeton në Kanada, po ballafaqohet me akuza të rënda mbi pretendimet se planifikonte të kryente vrasje masive në New York kundër hebrenjve, në përvjetorin e sulmit të 7 tetorit mbi Izraelin nga ana e Hamasit, kanë njoftuar nga Departamenti amerikan i Drejtësisë.
Bëhet fjalë për Muhammad Shahzeb Khan, 20-vjeç, që u arrestua të enjten në Kanada dhe po akuzohet për ndihmë të organizatave të huaja terroriste – në këtë rastin Shtetin Islamik në Irak dhe al-Sham.
“I akuzuari dyshohet se kishte planifikuar sulme terroriste në qytetin e New Yorkut më 7 tetor – me qëllimin e vetëm, kryerjen e masakrës në emër të Shtetit Islamik, duke vrarë sa më shumë hebrenj”, tha prokurori amerikan Merrick Garland.
Ndryshe më shumë se 1,200 persona ishin vrarë në sulmin e 7 tetorit në jug të Izraelit, kur Hamasi vrau edhe më shumë se 40 shtetas amerikanë.
Në anën tjetër Izraeli ishte kundërpërgjigjur me një ofensivë mbi Hamasin në Gaza – duke vrarë mbi 40 mijë palestinezë.
Burimi: botasot.info
