Presidentja e Republikës së Kosovës, Vjosa Osmani, ka uruar besimtarët ortodoksë për Krishtlindjen.
Nëpërmjet një postimi, Osmani ka uruar paqe, shëndet dhe harmoni në familjet e të gjithë qytetarëve.
“Duke u uruar qytetarëve tanë të krishterë ortodoksë në Kosovë dhe besimtarëve ortodoksë në mbarë botën, një Krishtlindje të bekuar dhe paqësore.
Sjelltë kjo ditë e shenjtë paqe, shëndet të mirë dhe harmoni në familjet tuaja. Krishtlindjet na kujtojnë vlerat e qëndrueshme të dashurisë, solidaritetit dhe respektit për njëri-tjetrin. Këto vlera fitojnë kuptim kur reflektohen në veprimet tona të përditshme. Gëzuar Krishtlindjet Ortodokse!” shkroi Osmani.
Burimi: botasot.info
