Ministri i Punëve të Jashtme, Bujar Osmani, në margjinat e Seancës së 77-të Asamblesë së Përgjithshme të Kombeve të Bashkuara, realizoi takim me homologun e tij, ministrin e Punëve të Jashtme të Republikës së Letonisë, Edgar Rinkeviç, ku kanë folur për të ardhmen e procesit të zgjerimit të Bashkimit Evropian nën lupën e fillimit të negociatave me Republikën e Maqedonisë së Veriut.
“Duke falënderuar për mbështetjen parimore të Republikës së Letonisë të rrugës sonë të integrimit evropian, Osmani informoi se Maqedonia e Veriut mbetet e përkushtuar në agjendën e reformave për rrjedhën pa pengesa të negociatave për anëtarësim me Bashkimin Evropian”, theksohet në kumtesën e MPJ-së.
Të dy bashkëbiseduesit shkëmbyen mendime edhe për thellimin e marrëdhënieve të partneritetit në kuadër të NATO-s, me theks të veçantë në pasojat në Evropë, të shkaktuara nga agresioni ushtarak rus ndaj Ukrainës, si dhe për rolin e vendeve baltike për ta forcuar këtë pjesë të Aleancës.
Gjithashtu janë shkëmbyer edhe mendime edhe rreth kryesimit të ardhshëm të Maqedonisë së Veriut me OSBE-në në vitin 2023, si dhe për çështjet aktuale në domenin e politikës së jashtme dhe të sigurisë, qëndron në kumtesë.
Marketing
