Thirrjet e Ministrisë së Punëve të Jashtme, që shtetasit e Maqedonisë së Veriut që gjenden në Ukrainë të largohen nga vendi, duket se hasën në vesh të shurdhër.
Kjo pasi disa shtetas vazhdojnë të qëndrojnë në Ukrainë.
Kjo mësohet nga ministri i Punëve të Jashtme, Bujar Osmani i cili tha se ka shtetas që ende kërkojnë ndihmë për evakuim.
Megjithatë ai tha se edhe pse Ambasada jonë vazhdon të qëndrojë në Kiev, sërish këta janë orët e fundit që mund të sigurohet zgjidhje, pasi Ambasada mund të largohet në çdo moment.
“Ndoshta këta janë orët e fundit kur qytetarët tanë do të mund të fitojnë shërbime të caktuara nga Ambasada jonë”, tha Osmani në edicionin special të TV21.
