Ministri i Punëve të Jashtme, Bujar Osmani ka njoftuar se do të marrë pjesë në seancën e Komisionit për politikë të jashtme në Kuvendin e Maqedonisë së Veriut, e cila është thirrur nga kryetari i këtij komisioni, deputeti i VMRO-DPMNE-së, Antonio Milloshoski.
“Ju njoftojnë se MPJ Bujar Osmani konfirmon pjesëmarrjen në Komisionin për politikë të jashtme më 28 janar – e premte”, njoftojnë nga MPJ-ja.
Përgjigja, siç thonë, është dërguar edhe te kryetari i Komisionit, i cili këtë seancë e ka thirrur që Osmani të japë përgjigje për çështjet me negociatat mes Shkupit dhe Sofjes.
