U publikuan pamjet e operacionit anti-drogë në Fier, i zhvilluar nga Policia e Shtetit nën drejtimin e SPAK, ku u kapën 430 kg kokainë.
Policia publikoi pamje të kapura me dron, ku shihet se forca të shumta policie futen në banesë dhe në pjesën e pasme të saj gjejnë plehun kimik, aty ku ishte fshehur sasia e konsiderueshme e kokainës.
SPAK tregoi se porosia ishte bërë që në maj të 2022 dhe në plehun organik u gjetën 430 kg kokainë, vlera e të cilave kapte shifrën e 40 mln eurove.
Prokuroria tha sot se plehu organik u porosit nga Shqipëria dhe do të transportohej me anije nga Kolumbia përmes Portit të Pireut të Greqisë dhe porositësi ishte shqiptar. Deri tani janë 10 të arrestuar, ndërsa autoritetet po punojnë me partnerët e huaj për bashkëpunëtorët e tjerë jashtë territorit të Shqipërisë./Top Chanel
