Organizata e Kombeve të Bashkuar (OKB) ka bërë thirrje për t’i dhënë fund armiqësive në Ukrainë, duke paralajmëruar se kriza humanitare vazhdon të përkeqësohet pasi të paktën 12.800 civilë janë vrarë që nga shkurti i vitit 2022.
“Ne shpresojmë për një ndërprerje të plotë të armiqësive dhe paqe përfundimtare në Ukrainë. Situata për civilët ka vazhduar të përkeqësohet që kur informuam për herë të fundit Këshillin e Sigurimi”, tha në Këshillin e Sigurimit të OKB-së Joyce Msuya, zv/sekretare e përgjithshme në detyrë e OKB-së për çështjet humanitare.
Msuya theksoi se që nga 1 marsi “asnjë ditë nuk ka kaluar pa një sulm që ka dëmtuar civilët”, me komunitetet e vijës së parë që durojnë granatimet e pamëshirshme.
“Civilët përballen me granatime të pamëshirshme dhe përballen me alternativa jo të mundshme”, tha ajo.
Ajo theksoi efektin më të gjerë të luftës.
“Ne jemi thellësisht të shqetësuar nga kostoja njerëzore e luftimeve të vazhdueshme, jo vetëm në të gjithë Ukrainën, por edhe në pjesë të Federatës Ruse”, tha ajo.
Duke përshëndetur njoftimet e fundit për një armëpushim të infrastrukturës energjetike dhe negociatat për lundrim të sigurt në Detin e Zi, Msuya theksoi se sulmet e pamëshirshme në infrastrukturën kritike vazhdojnë të ndikojnë në qasjen në energji elektrike, ngrohje dhe ujë, duke rrezikuar miliona në mes të kushteve të vështira të dimrit.
“Misioni i monitorimit të të drejtave të njeriut të OKB-së në Ukrainë ka verifikuar se që nga 24 shkurti i vitit 2022 janë vrarë të paktën 12.881 civilë ukrainasë, përfshirë 681 fëmijë. Pothuajse 30.500 janë plagosur”, njoftoi ajo, duke theksuar se “numri aktual duket se është shumë më i lartë”.
Duke shprehur shqetësimin për ata në rajonet e pushtuara nga Rusia, ajo deklaroi se 1.5 milionë civilë kanë nevojë për ndihmë humanitare, por mbeten kryesisht të pa arritshëm për shkak të kufizimeve.
“E drejta ndërkombëtare humanitare kërkon që të gjitha palët të lejojnë dhe të lehtësojnë shpërndarjen e shpejtë dhe të papenguar të ndihmave humanitare për civilët në nevojë”, tha ajo.
Msuya i kërkoi komunitetit ndërkombëtar të sigurojë përputhjen me ligjet humanitare, të rrisë fondet dhe të përpiqet për t’i dhënë fund luftës.
Burimi: botasot.info
