Zyrtari i Organizatës Botërore të Shëndetësisë, Mike Ryan tha sot se niveli i lartë i transmetimit të koronavirusit te njerëzit e pa vaksinuar, siç është rasti në Korenë e Veriut, krijon një rrezik më të lartë të varianteve të reja.
“Është sigurisht shqetësuese nëse vendet nuk përdorin fondet që janë tani në dispozicion”, tha drejtori i situatave emergjente të OBSH-së, Mike Ryan, duke iu përgjigjur një pyetjeje në lidhje me epideminë në Korenë e Veriut.
Ai kujtoi se OBSH-ja ka thënë vazhdimisht se aty ku ka transmetim të pa verifikuar, gjithmonë ekziston rreziku i varianteve të reja.
